E keni menduar ndonjëherë si do të ishte jeta juaj pa radhët e gjata dhe vonesat për të blerë diçka, kur jeni me nxitim? Epo tani mund ta imagjinoni një jetë të tillë.
Ti futesh në dyqan, merr produktin që të duhet dhe largohesh pa paguar! Në fakt nuk po flasim për vjedhje, por për shërbimin më të ri të ofruar nga gjigandi i tregtisë online, Amazon.
Kjo teknologji e re u jep mundësi konsumatorëve që të bëjnë pazar pa patur nevojë të përdorin para në dorë apo të qëndrojnë në radhë. Ata thjesht kalojnë në disa sensorë të vendosur në dalje të dyqanit, ku skanohet produkti i blerë automatikisht dhe shumë shpejt.
Paratë më pas kreditohen, por në mënyrë automatike nga llogaria bankare. E vetmja gjë që duhet bërë, është shkarkimi i aplikacionit “Amazon Go”, i cili bën skanimin në hyrje dhe në dalje nga dyqani.
Teknologjia e re ka kushtuar miliona dollarë të zhvillohet dhe i jep kompanisë një avantazh të padiskutueshëm në industrinë e supermarketeve. Por, gjithashtu forcon dhe shton marrëdhëniet me klientët, të cilët në mënyrë indirekte shtojnë dhe vizitat në Amazon online. Kjo strategji e suksesshme e Amazon do e pozicionojë atë në tregun e shitjeve fizike, ndryshe nga çka vepruar deri tani online. Dyqani i parë i tillë u hap më 5 dhjetor, por hapja për publikun e gjerë, pritet të bëhet më vonë.
Do të dëshironim një dyqan të tillë edhe në Shqipëri!
