Sandra Bullock ka zbuluar se po planifikon të bëjë një pushim nga aktrimi në të ardhmen e afërt pasi ndihet ‘e lodhur’.
Ylli i ekranit diskutoi largimin e saj nga skena me “The Hollywood Reporter”, duke shpjeguar se mezi priste të kishte orare më të lira në një të ardhme të afërt.
Sandra, e cila ka luajtur në afro 50 filma gjatë karrierës së saj tridhjetëvjeçare, pranoi se nuk ndihet më “e aftë për të marrë vendime të shëndetshme dhe të zgjuara”.
Aktorja njoftoi më parë se do të largohej përkohësisht nga puna e saj gjatë një interviste për “Entertainment Tonight” që u publikua marsin e kaluar.
Në intervistën e saj të re, Sandra filloi duke vënë në dukje se mezi po priste të lëvizte me ritmin e saj, duke shpjeguar: “Nuk dua të jem e përkushtuar ndaj orarit që ma vendos dikush tjetër, por të folusohem tek orari im”.
“Jam shumë e lodhur dhe nuk jam e aftë të marr vendime të shëndetshme dhe të zgjuara dhe e di këtë”, shtoi ajo.
Sandra theksoi se, megjithëse ishte mirënjohëse për suksesin që kishte gjetur, ajo ishte e shqetësuar për implikimet e tij në jetën e saj personale.
“Puna ka qenë gjithmonë e qëndrueshme për mua dhe kam qenë shumë me fat. Kuptova se ndoshta po bëhej “paterica” ime. Ishte si të hapja një frigorifer gjatë gjithë kohës dhe të kërkoja diçka që nuk ishte kurrë aty”, tha ajo.
Më pas aktorja u shpreh se duhej të bënte një bisedë me veten në lidhje me suksesin.
Ajo kujtoi: “I thashë vetes: “Mos e kërko suksesin këtu sepse nuk ekziston këtu. Tashmë e ke; vendose, gjeje dhe kuptoje që nuk ka punë për të të vërtetuar se kush je.”
