Almeda Abazi prej vitesh jeton në Turqi, vend në të cilin ka krijuar familjen e saj. Megjithatë ajo rikthehet herë pas here në Shqipëri, ashtu siç ka bërë edhe më herët.
Po ashtu ajo përflitet mjaft në mediat rozë edhe për martesën e saj me aktorin e famshëm turk, Tolgahan Sayisman.
Për shkak se i është përkushtuar maksimalisht fëmijëve të saj, të birit Efehan dhe të bijës Alina, Almeda i ka lënë pak pas dore projektet televizive.
Mesa duket fansat ia kanë ndjerë mungesën dhe i kanë kërkuar vazhdimisht që t’i rikthehet televizionit.
Së fundmi, në një intervistë virtuale me ndjekësit e saj në Instagram, njëri nga ata e ka pyetur se kur do e shohim sërish në ekran.
“Nuk e di akoma… Ndoshta një ditë përsëri. Më mungoni’, është përgjigjur ajo duke mos dhënë një përgjigje konkrete.
Kujtojmë se më 8 qershor, Almeda Abazi dhe Tolgahan Sayisman u bekuan me një fëmijë të dytë. Në jetën e tyre erdhi një tjetër engjëll, një vajzë, të cilën e pagëzuan me emrin Alina, ashtu siç kishin lajmëruar edhe më herët. Lajmin e bukur e dha vetë Tolgahan, i cili shkroi në një postim në rrjete sociale:
“Mirë se erdhe në jetë princesha ime. ALINA. Ti na solle gëzim të gjithëve”.
