Po rëndon në xhepat e qytetarëve shqiptarë, Autoriteti i Konkurrencës nuk vendos gjoba për kompanitë që rritën çmimin e miellit

Rritja e çmimit të bukës ditë më parë në vendin tonë, si pasojë e rritjes së çmimit të miellit, solli shqetësim dhe reagime të ashpra nga qytetarët dhe jo vetëm.

Mirëpo, kjo shkelje nuk i ka bërë aspak përshtypje Autoritetit të Konkurrencës! Teksa të gjithë po prisnim ‘dënimin’, AK ka vendosur sot me 3 vota pro 2 kundër, TË MOS I GJOBISË ndërmarrjet që merren me shitjen dhe tregtimin e miellit.

Lexo edhe :

U largua nga shtëpia e BBVK për arsye shëndetësore, Alba: M’u errën sytë

21:56 18/12/25

Pitt fiton padinë për Chateau Miraval: Jolie duhet të dorëzojë emailet dhe mesazhet

21:06 18/12/25

Edhe pse kjo është një çështje mjaft problematike që rëndon në xhepat e qytetarëve shqiptarë, kjo gjë duket se nuk e shqetëson fare Autoritetin Kombëtar të Konkurrencës.

Kjo nuk është hera e parë që AK bën kaq hapur shkelje të tilla!
Shpeshherë kemi ngritur zërin para rasteve të ngjashme duke denoncuar shkeljet e AK, siç ju tregojmë më poshtë:

-Në lidhje me kompanitë celulare që abuzojnë dukshëm me çmimet;
-Për rritjen e çmimit të karburanteve;
-Për shërbimin e testit të Covid-19 në laboratorët privat, që shkonte sa “qimet e kokës” me çmimin e vendosur me ‘marrëveshje’ nga laboratorët, prej 4000 lekësh të reja;
-Oligopoli në bërjen e tamponeve të Covid-19;
-Rasti i kreut të Përmbaruesve, i cili kërkonte të shpëtojë tregun agro-ushqimor nga gjoba 375 mijë USD për abuzimet me çmimet dhe shumë raste të tjera.

Ashtu si çështjet e lartpërmendura edhe ajo e bukës mesa duket nuk do të përbëjë ndryshim, duke qenë sërish populli shqiptar ai që do të vuajë mbi korrupsionin e kësaj strukture.

 

View this post on Instagram

 

A post shared by ICONSTYLE (@iconstyle_al)

Njoftimi i plotë

Komisioni i Konkurrencës në mbledhjen e datës 29.09.2021, lidhur me vendimin “Për vendosje gjobe ndaj ndërmarrjeve AgroBlend SHPK, Miell  Tirana  SHA, Bloja SHA dhe Atlas Mills SHPK për moszbatimin e detyrimeve të përcaktuara me VKK nr. 700, datë 24.07.2020”, në një votim 2 pro dhe 3 kundër, nuk miratoi propozimin e Sekretariatit për vendosje gjobe ndaj ndërmarrjeve që operojnë në tregun e importit të grurit, importit, prodhimit dhe tregtimit të miellit.

Anëtarët që votuan pro vendosjes së gjobës janë:

1. Juliana Latifi
2. Eduard Ypi

Anëtarët që votuan kundër vendosjes së gjobës janë:

1. Leida Matja
2. Adriana Berberi
3. Denar Biba