Sot është ditëlindja e moderatores Marina Vjollca dhe një ndër njerëzit e saj më të dashur që po e feston me gëzim këtë ditë është motra e saj Luana.
Që prej minutave të para të mesnatës, kur trokiti data 17 maj, Luana publikoi një video të këndshme ku shfaqej me motrën e saj.
Luana i bëri dedikimin më të veçantë Marinës, gjysmës së saj më të mirë pa të cilën thotë se s’do të ishte asgjë.
“Gëzuar ditëlindjen gjysma ime. Dashuria ime e përjetshme!!! @marina_vjollca ? Ti e di që pa ty s’do isha asgjë”, shkruan Luana.
Nuk ka vonuar dhe përgjigjja e Marinës e cila ia kthen Luanës me po të njëjtën dashuri:
“Faleminderit shumë dashuria ime! Unë s’do isha asgjë pa ty, më përmbush❤️”.
View this post on Instagram
Por surpriza nuk mbaroi me kaq, pasi në ditën e saj të lindjes Luana i publikoi një foto nga fëmijëria Marinës me shkrimin: Gjithmonë bashkë!
Gjithashtu ajo publikoi foto të tjera të vjetra ku shfaqej me të motrën, që nga dita e saj e dasmës e deri të pushimet që kanë kaluar bashkë dhe momentet më të veçanta!
Kur flasim për dashurinë mes motrave, për Luanën 1+1 baras 1 dhe kjo nuk diskutohet!
