Koncerti i këngëtares kanadeze të muzikës country Shania Twain kaloi me incidente. Ajo po performonte këngën ‘Don’t Be Stupid’, teksa u rrëzua dhe ra në skenë gjatë koncertit në Çikago.
Në videon e publikuar nga TMZ, këngëtarja 57-vjeçare shihet teksa kapërcen skenën kur papritur rrëshqet dhe bie në tokë.
Megjithatë, Twain e kapërceu shpejt situatën dhe u ngrit menjëherë në këmbë duke mbaruar këngën. Dëshmitarët okularë raportuan megjithatë se shumë nuk e kuptuan se çfarë ndodhi falë reagimit të menjëhershëm të këngëtares.
Pas koncertit në Çikago, Shania Twain vijon turneun e saj. Koncerti i radhës i saj do të jetë në New York.
