Dy ditë më parë, ministrja e Energjisë dhe Infrastrukturës Belinda Balluku njoftoi bllokimin e udhëtimeve me Italinë pasi kjo e fundit u shpall zonë e kuqe pas përhapjes masive të Koronavirusit. Sipas saj, pas ditës së martë nuk do të kishte më asnjë avion apo traget udhëtarësh që do të lidhte Shqipërinë me Italinë për të parandaluar përhapjen e mëtejshme të virusit agresiv. Por teksa pretendohet se janë marrë të gjitha masat e nevojshme, ndonëse me një vonesë ekstreme, udhëtimet nuk janë ndalur. Mëngjesin e së mërkurës në Durrës kanë mbërritur nga Bari dy tragete me 390 persona, të cilët pasi janë kontrolluar e skeduar, janë këshilluar të vetëkarantinohen. E njëjta gjë dhe për dy autobusët dhe furgonin e mbërritur në Muriqan nga Milano mëngjesin e djeshëm. Por dukshëm, këshillimi për vetëkarantinim nuk është mjaftueshëm, duke qenë se vetëm sot, policia ka identifikuar 450 shtetas të ardhur nga Italia që nuk kanë zbatuar udhëzimet e që sipas rregullave të reja të prezantuara nga kryeministri Rama, do të duhet të gjobiten me 5 mijë euro.
Qartazi, masat e pazbatuara si pranimi në vend i personave të ardhur nga zonat e nxehta, rrit ndjeshëm probabilitetin e përhapjes edhe më masive të virusit në Shqipëri, ku strategjia e ndjekur duket se çalon keqazi, e përgjegjësi nuk mban askush. Jemi mësuar me gënjeshtra, mashtrime e paaftësi të zyrtarëve tanë, por ky nuk është aspak rasti për të bërë një sy qorr e një vesh shurdh. Janë në lojë jetët tona!
Po për ata që ikin e vijnë nga Italia, kush mban përgjegjësi?
Lajme Të lidhura
Te fundit
Shkarko Snapfood dhe fito 10% ulje në porosinë e parë
