Duke qenë se interaktiviteti në rrjetet sociale është i lartë, shpesh jemi dëshmitarë se si njerëz të ndryshëm marrin të drejtën të komentojnë e fyejnë, pa marrë parasysh se çfarë mund të shkaktojë qoftë edhe një emoji.
Ndër të tjera rrjetet sociale kanë dhënë mundësinë që njerëzit të komunikojnë më thjesht mes tyre.
Nëse më parë mendimin tuaj lidhur me një emision televiziv nuk e dëgjonte askush dhe pakënaqësitë mund t’ia përplasnit vetëm ekranit të televizorit, tashmë ato adresohet drejt e te personi që ju doni t’i adresoni.
Këtë të dielë, në emisionin e përjavshëm, “E diela shqiptare” do jetë e ftuar këngëtarja e njohur Jonida Maliqi me të cilën Arditi ka zhvilluar një intervistë ndryshe.
Sikundër e kemi parë në rrjetet sociale dyshja ka shkuar në Gjirokastër, qyteti i origjinës së tyre, ku kanë zhvilluar bashkëbisedimin që ne do e shohim në orën 18:00 në ekran.
Arditi ka publikuar një foto shkëputur nga intervista ku shihen duke folur në dhomën e Jonidës, pasi ka treguar se intervista fillon me zgjimin e saj.
View this post on Instagram
Mirëpo, fatkeqësisht, ka disa gjëra që janë ende “tabu” për spektatorët shqiptarë, që ende nuk janë mësuar me show-n dhe të bërit televizion ditët e sotme, ndikuar edhe nga perëndimi.
“Ardit këto janë budalliqe. Po në tualet do na nxirrni?“- ka shkruar një ndjekëse e moderatorit, të cilën ky i fundit nuk e ka lënë pa një përgjigje epike.
“Në fakt në dush e doja intervistën dhe dikush dikur do e bëjë, por kaq për moshën tonë këtë herë.“- ka shkruar Arditi.
Duket se Jonida dhe Arditi do na zbulojnë shumë të pathëna sot dhe mezi po presim ta shohim intervistën.
