Policia e Kosovës ka arrestuar një tifoz të Kombëtares shqiptare në Prishtinë.
Arrestimi i tij erdhi pasi nuk u përmbajt gjatë festimeve pas golit që Rei Manaj i shënoi Serbisë, duke shkrepur armën e zjarrit.
Sheshet në Prishtinë dhe Tiranë janë veshur kuqezi, duke ndjekur ndeshjen mes Shqipërisë dhe Serbisë, që luhet ditën e sotme në Leskovac.
Qëlloi me armë gjatë festimeve pas golit të Rei Manajt ndaj
Pamje të gëzhojave në vendngjarje
Deri më tani rezultati i ndeshjes është 0-1 në favor të Kombëtares shqiptare, me një super-gol të shënuar nga Rei Manaj.
Kujtojmë se super-sfida e sotme mes dy kombëtareve është e vlefshme për eliminatoret e Botërorit 2026. Në stadiumin ‘Duboçica’ të Leskovacit kombëtarja shqiptare i shënoi Serbisë me Rey Manaj në fundin e pjesës së parë. Dueli është si një ‘finale’ për dy skuadrat, kjo pasi një fitore të afron me vendin e dytë që të dërgon në play-off. Po luhet pjesa e dytë.
Ky është takimi i tetë mes tyre në histori, ndërsa pesë fitore janë të serbëve, dy barazime dhe asnjë fitore e Shqipërisë. UEFA nuk regjistron ndeshjet e fituara në tavolinë, pasi tanët kanë marrë një fitore 0-3 më 14 tetor 2014 për sfidën e Beogradit, kur huliganët serbë u futën në fushë dhe dhunuan futbollistët tanë.
