Arjola Demiri është një nga konkurrentet e Big Brother VIP. Ajo njihet për karrierën e saj në aktrim, ku fillimisht u bë e njohur nga seriali “O sa Mirë” dhe vitet e fundit ka qenë pjesë e kastit të Portokallisë.
Kohët e fundit kanë qarkulluar në rrjet foto të saj , ku duket pamja e saj para ndërhyrjeve estetike.
Arjola Demiri, në Big Brother VIP është komentuar për sjelljen e saj dhe rrëfimet e saj.
Ajo është komentuar si një grua e fortë dhe e drejtpërdrejtë, ndërsa nuk kanë mbetur pas dhe rrëfimet e saj për jetën personale dhe gjërat që ka kaluar.
Ajo që mori vëmendjen e të gjithëve ishte se gjatë një bisede, aktorja foli për tradhtinë nga ish-partneri i saj.
Ndër të tjera ajo tha se e kishte falur këtë veprim për 6 vite, por theksoi se gjërat sa vinin dhe përkeqësoheshin.
“Nuk mund ta besoja që personi që po më lutej mua të mos e tradhëtoja, më tradhëton vetë. Në fillim mendova se ishte mërzitur për faktin se fëmija i parë na doli vajzë dhe për këtë arsye tentova edhe dy shtatzënitë e tjera. Por ishte e kotë’’, u shpreh ajo.
“I shijonte jeta që kishte jashtë, se sa ajo brenda shtëpisë. Por, jam e bindur se nuk do të gjejë asnjëherë atë sinqeritet. E doja më shume se fëmijët, prindërit e mi, ishte qendra e universit, ishte adhurim për mua. E dorëzova veten time komplet te ai”, shtoi Arjola.
Demiri tha se ka qenë e detyruar të heqë dorë nga gjërat që ëndërronte, për t’iu përkushtuar fëmijëve, gjë për të cilën nuk është penduar aspak.
“Shikoja kolegët e mi në skenën e teatrit dhe i thosha vetes pse nuk jam edhe unë aty me ta. E shikoja veten thjesht si një amvisë që rrit fëmijët dhe kaq. Kam shijuar fëmijërinë e tyre. Kam qenë aty në vitet më të rëndësishme për ta’’, u shpreh ajo.
