Gazetari dhe pronari i UET, Henri Çili u arrestua më 27 shkurt gjatë operacionit “Mezhgorani”, bashkë me avokatin Ilir Korbi, biznesmeni Sait Fishta dhe 28 persona të tjerë.
Për Çilin rëndonin 6 akuza ku mes tyre edhe ajo e ushtrimit të ndikimit tek gjyqtarët për të liruar Arbion dhe Alban Aliko, të dënuar për vrasjen e efektivit të RENEA-s në Lazarat, Ibrahim Basha.
Pas kësaj, për botuesin u mbajt një seancë e gjatë gjyqësore dhe u vendos masa e dënimit “arrest shtëpie”.
Vendimi i gjykatës së Përmetit u apelua aso kohe nga Prokuroria, e cila kërkonte të merrej një masë më e rëndë kundrejt Çilit.
Mirëpo, Gjykata e Apelit e ka rrëzuar këtë kërkesë ditën e sotme, duke lënë në fuqi vendimin “detyrim paraqitje” për botuesin.
Kujtojmë se më herët në deklaratën e tij, Çili ka treguar se kundër tij nuk qëndron asnjë akuzë, pasi s’ka bërë asnjë veprim të jashtëligjshëm dhe se gjithçka që ai kishte bërë ishte brenda rregullave, pasi kishte një kompani ligjore ndërmjetësimi.
