Melisa dhe Andi kanë qenë dyshja më e diskutuar gjatë këtyre javëve të fundit. I pari që hodhi akuza për një lidhje mes tyre ishte Fatoni dhe më pas u ndoq nga Shqipja. Madje kjo e fundit u shpreh me bindje se dyshja kishin nisur të bashkëjetonin me njëri-tjetrin.
Më pas në rrjete sociale qarkulluan disa foto të Andit dhe Melisës, të cilat i bënë të gjithë të dyshonin se ata janë realisht në një lidhje mes tyre. Në rrjete sociale u publikuan foto të dy protagonistëve, në të cilat Andi dhe Melisa shfaqen me të njëjtin kapuç në kokë.
Të gjithë këto detaje i bënë ndjekësit e programit të dyshonin akoma më shumë se ata kanë krijuar bashkë një lidhje dashurie, për të cilën ka ngritur akuza dhe Shqipja, ish-konkurrentja që zbuloi lidhjen e Beartit dhe Teas.
Megjithëse i mohoi këto lajme duke treguar që s’ka asnjë lloj marrëdhënie me Andin, Melisa vendosi të lërë përfundimisht “Për’puthen” dhe të vazhdojë e qetë jetën e saj. Ajo i ka hedhur poshtë të gjitha këto auldime dhe gjithmonë është shprehur se mes saj dhe Andit ka vetëm miqësi e asgjë më tepër.
Ndërkohë sot në kuadër të gjithë këtyre thashethemeve Andi ka ftuar Melisën publikisht për një takim për t’u njohur. Sigurisht kjo ftesë nuk ishte e vërtetë, por ai e ka bërë për të ironizuar të gjithë ata që janë të bindur se janë të lidhur.
“Nëpërmjet këtij mesazhi doja t’i thosha Melisës diçka. Kaq shumë sa është përmendur emri jonë o Melis, mua po më duket sikur jam në një lidhje me ty, kështu që sa herë kemi dalë në kafe bashkë kemi qenë me njerëz të tjerë të shoqëruar, kështu që unë doja të bëja një ftesë publike për një kafe serioze”, shprehet Andi.
