Trajneri italian i Kombëtares shqiptare, Christian Panucci ka paditur në gjykatë ish-presidentin, Bujar Nishani.
Kjo ngjarje e paprecedent vjen pas deklaratave ofenduese që Panucci pretendon se Nishani ka bërë ndaj tij.
Panucci kërkon 100 mijë euro dëmshpërblim nga ish-presidentin Nishani si dhe përgënjeshtrim pasi ish-kreu i shtetit e quajti “sharlatan”.
Kjo deklaratë erdhi pas ndeshjes miqësore me Kosovën, ku kuqezinjtë humbën me rezultatin e thellë 3:0.
Bujar Nishani përmes një statusi në Facebook shkroi:
“Panucci një sharlatan që po shkatërron atë që ishte ndërtuar”.
Gjykata e Tiranës e ka regjistruar padinë në datën 20 korrik dhe pritet që palët të përballen shumë shpejt në gjykatë.
