Këngëtarja turke Hacer Tulu mbeti e vrarë pas një sulmi me armë në një lokal në qytetin e Bodrumit.
Raportet nga mediat lokale tregojnë se katër burra hapën zjarr në Klubin Pasha, në destinacionin turistik të Barlar.
Këngëtarja 40-vjeçare u qëllua me armë dhe nuk arriti tu mbijetojë plagëve të marra.
Pronari i lokalit Mehmet Ali Sürensoy, u vra gjithashtu gjatë sulmit ndërkohë që mbetën të plagosur katër persona të tjerë. Autorët e krimit janë arrestuar nga policia në Manisa.
Hacer ishte modele, aktore, si dhe këngëtare. Vetëm disa momente para sulmit ajo kishte publikuar një video në Instagram nga skena.
