Ridvan Zykaj, autori i masakrës së Vlorës, doli sot para Gjykatës së Vlorës, ku u përball me akuzën “Vrasje në rrethana cilësuese, ndaj dy ose më shumë personave”.
Para se të dëshmonte para togave të zeza, i riu u përball më pyetjet e gazetarëve të cilët ndër të tjera e pyetën: “Pse e bëre?; “Përse i vrave fëmijët?”; “Je penduar?”.
Mirëpo pavarësisht pyetjeve që i janë drejtuar ai nuk ka reaguar në asnjë moment dhe ka qenë shumë i ftohtë duke i parë të gjithë në sy pa asnjë pikë pendese.
Seanca u zhvillua nën masa të rrepta sigurie dhe në përfundim të saj u vendos masa e sigurisë “arrest me burg” për 24-vjeçarin.
Burimi: Balkanweb
