Pas përfundimit të “Big Brother VIP” janë rregulluar raporte të prishura brenda në shtëpi, e janë prishur jashtë raporte që brenda ishin për bukuri.
E kështu duket se po ndodh edhe me Ermiona Lekbellon dhe Luiz Ejllin.
Duhet ta pranojmë, Ermiona ishte një prej lojtareve më të vërteta që e mbështeti Luizin në çdo situatë jo vetëm brenda në shtëpi, por edhe kur doli jashtë saj. Ajo shprehej gjithmonë që dëshironte ta shikonte Luizin fitues dhe ishte e lumtur që kishte fituar një mik të mirë.
Mirëpo, respekti dhe konsiderata nuk duken reciproke nga ana e Luizit, që pas daljes nga “BBV” as nuk i ka kthyer mesazhet e urimit Ermionës. Kjo gjë e ka mërzitur pak ish-konkurrenten, që në TikTok ka publikuar një video ku thotë:
“Luizi s’kthen as mesazh. I çon mesazh urimi, Luizi bën sikur është në autobus. Ça ka Luizi? Po Luizi ça ka? Po ktej do vish o Luizi ,ke shpia vjehrrës dhe vjehrrit do vish ndonjëherë atje në Verona, do mërzitesh dhe ktej do e sjellësh kokën”
