Këngëtarja e famshme Ciara po pret fëmijën e saj të tretë dhe këtë e ka bërë të ditur vetëm disa minuta më parë.
34-vjeçarja ndau në Instagram një foto të sajën në natyrë, ku tregonte barkun tashmë tepër të rrumbullakosur.
“Numri 3”- shkruante Ciara krahas fotos ku ka marrë mijëra komente urimi për pritjen e ëmbël.
Ajo dhe partneri, Russell Wilson presin fëmijën e dytë, ndërsa fëmija i parë i këngëtares erdhi në jetë nga marrëdhënia e saj e mëparshme me reperin Future.
Vogëlushi i Ciara-s me future quhet Future Zahir Wilburn dhe është 5-vjeç, ndërsa vogëlushja me partnerin aktual quhet Sienna Princess Wilson dhe është 2 vjeç.
Ciara ende nuk e ka bërë të ditur gjininë e bebushit, të cilën presim ta mësojmë sa më shpejt!
Këngërarja dhe partneri i saj i dhanë fund beqarisë në korrik të vitit 2016 dhe vazhdimisht ndajnë në rrjete sociale momente nga jeta e tyre e përditshme.
