Shtimi i numrit të ndjekësve duket se është kthyer në një sfidë mes të famshmëve shqiptarë. Personazhet publikë shqiptarë që arritën të mblidhnin 1 milion fansa, që ndiqnin profilin e tyre në “Instagram”, nuk ngurruan ta festonin vitin e kaluar.
Por tashmë vetëm njëra prej tyre ka arritur që të arrijë mes shqiptarëve shifrën e 2 milionë ndjekësve. Dhe doni apo jo ju, ajo është…: Encaaa!
Këngëtarja shqiptare ka 2 milionë persona që e ndjekin në Instagram dhe këtë “gëzim” e ndau me ndjekësit e saj:
“Po e gjetët kush është artistja e parë shqiptare me 2 milionë ndjekës?”.
Këngëtarja vazhdoi më pas me një mesazh për të gjithë ata që po e ndjekin tani:
“Një ditë unë do të kem 20 milionë ndjekës. Dhe ju që po më ndiqni tani do të mburreni, ‘e njoh atë që kur kishte 2 milionë’. Disa njerëz këtu më kanë njohur dhe më kanë mbështetur që kur kam pasur 50 mijë ndjekës. Faleminderit shumë”.
Noizy, Luana Vjollca, Granit Xhaka, Xherdan Shaqiri dhe Shkodran Mustafi ishin ndër të famshmit e parë që arritën 1 milion ndjekës.
Burimi: Instagram
