Mbrëmjen e së hënës Enxhëll vendosi të largohej nga “Love story”, duke lënë në gjysmë garën e saj për të fituar zemrën e Saimirit. Ajo u shpreh se nuk ndihet mirë dhe se në vendimin e saj ka ndikuar edhe presioni nga familja. Enxhëll u shpreh se nuk mundet ta përballojë më situatën dhe se ka vendosur të largohet.
“Nga e gjithë kjo eksperiencë deri sonte, unë kam vendosur të veteliminohem sepse nuk mundem ta përballoj dot më. Kam shumë peshë nga vetja ime, presioni i familjes gjithashtu, dhe nuk mundem. Po bëhet shumë e vështirë për mua”, u shpreh Enxhëll.
Ndërkohë, në një intervistë për programin “Daily Love Story”, para nisjes së spektaklit, Enxhëll është pyetur për eliminimin, por edhe këtë herë ka preferuar të mos thotë emra. Veç të tjerash, Enxhëll tha se në “Love Story” ka njohur një version tjetër të vetes së saj.
E pyetur nëse kishte frikë nga eliminimi, Enxhëll tha:
Jo! Kam zbuluar një Enxhëll që është shumë e duruar dhe po duron gjëra që më parë nuk do t’i duronte dot.
Ndërsa pyetjes “Kush do të ikë sonte?”,- ajo iu përgjigj: “Nuk e di! Normal që do të eliminohet një, por unë nuk e di cila është. Atë e di vetëm Saimiri.
Kujtojmë se në një intervistë për “Daily Love Story”, Enxhëll kishte deklaruar që konkurrentet e Love Story janë ‘lojtare shahu’, duke nënkuptuar që në fund do të dalin të gjitha një nga një.
Ajo ka thënë se egoja e saj nuk do e lejonte që Saimiri ta puthte, duke u shprehur se ka më shumë respekt për veten se për të.
“Më duket sikur ne vajzat e Love Story po bëhemi më të emancipuara, por se di. Siç e ka thënë edhe Jerina, jemi të gjitha lojtare shahu dhe kur kemi ardhur i kemi marrë parasysh gjërat. Egoja ime nuk do ta pranonte puthjen. Kemi qenë 18 vajza, nuk mund ta quaj Saimirin partnerin tim por unë dua ta puth partnerin tim. Jam pak konfuze. Jo sepse në radhë të parë, para se të kem respekt për Saimirin kam shumë respekt për veten time dhe nuk dua ta bëj atë gjë”, ka thënë Enxhëll.
