Në emisionin “Xing me Ermalin”, moderatori Ermal Mamaqi ka shtuar këtë sezon televiziv edhe rubrikën “Pyetje nga Rudina”, ky i pyet të ftuarit nëse kanë dëshirë të shkojnë në emisionin e pasditës në “Klan”.
Dhe e ftuara e rradhës, Tuna Sejdi, jo vetëm që nuk pranoi, por e argumentoi me tone tallëse, se nuk ka shkuar asnjëherë dhe do e shtyj këtë ftesë edhe për 10 apo 20 vitet e ardhshme të karrierës së saj.
Mëngjesin e së dielës, moderatorja Rudina Magjistari i është përgjigjur këngëtares me origjinë nga Shkupi, duke nënvizuar se ajo bën vetëm punën e saj prej 10 vitesh. Madje për Rudinën, Tuna është e mbushur plot me urrejtje në jetën e saj. Ndërkohë që në fund të shkrimit, moderatorja nuk nguron të kërcënojë edhe Ermal Mamaqin.
“Hey Tunë darling, po hakmerresh se pse unë bëj punën time dhe ftoj në program një këngëtar, që për rastësi është edhe kunati yt dhe që s’e detyron njeri të thotë ato që do?! Se s’di t’më ketë ndodh ndonjë gjë tjetër me ty mua n’jetë. Sa shumë urrejtje paske në shpirt! Keq m’vjen për ata që t’kanë afër! Sa për programin, kam s’kam simpati personale, ne i ftojmë të gjithë. Këtë punë e bëjmë çdo ditë prej 10 vitesh. Kështu ti e kupton besoj, se ç’vend ze ti në gjithë këtë histori, ku prej vitesh show-bizi shqiptar ka nxjerrë me dhjetëra yje, që ke qejt ti shohësh: me talent, kulturë dhe klas. Hajt me shnet!” – shkruan moderatorja Rudina Magistari në “Instagram”.
Në muajin maj 2018, Rudina Magjistari kishte të ftuar Robert Berishën, i cili zbuloi për herë të parë se nuk kishte komunikim me bashkëshorten e të vëllait, Tuna Sejdi.
