Reperi Kanye West njihet si një nga mbështetësit më të mëdhenj të presidentit të SHBA Donald Trump, por kjo nuk është pritur aspak mirë nga miqtë e tij.
John Legend ka qënë ai që i ka shkruar West duke dashur t’a paralajmërojë për miqësinë me Trump.
Ndërkohë reperi ka postuar shkëmbimin e mesazheve me Legend në Twitter, duke e akuzuar këngëtarin e “All of me” për manipulimin e mendimit të lirë.
Reperi 40-vjeçar, i cili ka pasur një miqësi të gjatë me 39-vjeçarin Legend postoi në Twitter një pjesë të bisedës së tyre.
Xhon i kishte dërguar mesazh duke i bërë thirrje Kanye ‘të rishqyrtonte afrimin e tij me Trump’.
Por Kanye nuk e priti mirë atë që fituesi i Oskar i kishte thënë dhe i dha një përgjigje të ashpër.
“Hej jam John Legend, Shpresoj që ta rishikosh marrëdhënien e afërt me Trump.
Ti je shumë i fuqishëm dhe me ndikim që t’a mbështetësh atë. Siç e di, ajo që ti thua ndikon tek fansat e tu.
Ata janë besnikë ndaj teje dhe respektojnë mendimin tënd. Pra, shumë njerëz që të duan ndihen aq të tradhëtuar sepse e dinë dëmin që shkaktojnë politikat e Trump, veçanërisht njerëzve me ngjyrë”.
Sidoqoftë Kanye mbeti i palëkundur ndaj mesazhit të mikut të tij.
West replikon: “Unë të dua Xhoni dhe e vlerësoj mendimin tënd. Mos i përdor fansat e mi për të manipuluar mendimin tim të lirë”.
Por Legend nuk e ka lënë me kaq, ai ka khtyer sërish përgjigje reperit duke i thënë: “ Mendo i lirë. Mendo dhe me empati gjithashtu. Veprimet dhe fjalët e tua kanë pasoja”.
Ndërkohë Kanye i përgjigjet:“ Të dua John”.
Reperi më pas sqaroi se ai i publikoi mesazhet me John thjesht për të treguar se pavarësisht se ka shumë njerëz që nuk janë dakort me të ai vazhdon të mbajë qendrimet dhe mendimet e tij.
Duhet theksuar se John dhe Kanye janë miq që vitin 2000, para se të dy të bëheshin të famshëm.
