Vite më parë Ledri Vula, DJ Blunt dhe Real 1 na befasuan të gjithëve me hitin e tyre “Nëse m’don ti”. Por me sa duket miqësia e tyre ka marrë fund dhe djemtë kanë nisur një sherr mes tyre.
Dj Blunt ka shpërthyer në të shara ndaj Ledri Vulës dhe madje ka publikuar një seri video-sh ku e ofendon reperin e njohur. Ai ka shpjeguar se diss-et në këngën e tij të fundit kanë qenë pikërisht për Ledrin, të cilin e quan “kurvë” dhe me një seri epitetesh të tjera shumë ofenduese.
Gjithçka ka nisur, sipas Dj Blunt, kur ai dhe Real 1 kanë qenë duke publikuar këngën “Nëse m’don ti”. Pak para publikimit të këngës, Ledri iu ka kërkuar atyre që të bëjë remix-in e këngës.
“Unë dhe Real 1 vendosëm ta ndalnim publikimin e këngës që të fusnim Ledrin, sepse e kemi respektuar si koleg, por ai është një kurvë”, është shprehur DJ Blunt.
Sipas tij që prej asaj kohe Ledri është zhdukur dhe nuk ka treguar aspak respekt ndaj tyre. Madje ai e ka akuzuar reperin se kur ka qenë me ta ai ka sharë të gjithë miqtë e tij të tanishëm, si Lumi B.
Në video-t e publikuara DJ Blunt ka ofenduar rëndë edhe Gjikon.
“Ti deri më dje ke punuar në Tetovë ku shisje sanduiçë me proshutë. Je kthyer në Prishtinë ku shërbeje kafe dhe çaj dhe ke punuar si dentist. Jo se kam ndonjë gjë kundër profesionit të kamarierit apo kuzhinierit, respekt pa masë, por ti je fals, se pas një viti del ti me Lamborgini dhe këndon: ‘Shtrenjt, shtrenjt, shtrenjt…’. Je kurvë false”, ka thënë Dj Blunt për Gjikon duke theksuar se ai dhe jetën e flokët i ka me qera.
