Babai i yllit të Barcelonës, Lamine Yamal u plagos me thikë të mërkurën mbrëma. Mounir Nasraoui u sulmua disa herë nga persona ende të panjohur në një park. Pasi u dërgua me urgjencë në spital, ai doli të njëjtën natë dhe raportohet se është në gjendje të mirë shëndetësore.
Babai i 17-vjeçarit fitues të Euro 2024 ishte duke shëtitur qenin e tij në qytetin e tij të lindjes, Mataro, kur thuhet se i hodhën ujë dhe më pas nisi debati me një grup të paidentifikuar. Më pas, kjo përfundoi me sulmin me thikë.
El padre de Lamine Yamal discutió con algunos vecinos por la mañana y más tarde fue apuñalado. pic.twitter.com/X3F7IItvrz
— Actualidad Viral (@ActualidaViral) August 15, 2024
Tre persona janë arrestuar në lidhje me incidentin dhe policia është ende në kërkim të një anëtari të katërt të sulmuesve.
Yamal – lojtari më i ri i Spanjës- ishte pjesë e ekipit të Euro 24 që mundi Anglinë në finalen e Berlinit muajin e kaluar. Mataro, ku Yamal kaloi vitet e tij të hershme të fëmijërisë, festoi pas fitores, me tifozët që ndodheshin në rrugë.
Vetëm pak minuta pasi ekipi i tij mori trofeun, Yamal u emërua lojtari i ri i turneut. Ai ishte gjithashtu lojtari më i ri ndonjëherë në një kampionat evropian.
