Enca ka hapur një llogari të sajën në faqen për të rritur “Onlyfans”, ku bën publike foto dhe video kundrejt pagesës.
Në lidhje me këtë temë, ajo ka folur për herë të parë për “Prive”. E pyetur se sa po fiton nga faqja ajo u përgjigj me “Marshallah” duke treguar kështu se fitimet janë të mëdha.
Po ashtu, Enca ka treguar se faqen nuk e përdor vetëm për të publikuar imazhe, por edhe për të komunikuar me fansat.
“Nuk e kam vetëm për foto të nxehta, komunikoj shumë me fansat aty, hedh informacione për new songs apo qa jam duke bërë në përditshmëri ama edhe foto të nxehta ke sa të duash”, tha këngëtarja.
Kujtojmë se projekti i fundit i Encës është ”Rakia”, të cilën e ka publikuar më 26 qershor të këtij viti. Ashtu siç mendohej edhe nga fansat, këngëtarja kishte përzgjedhur si protagonist për klipin e saj ish-konkurrentin e “Për’puthen” Beart Rexhepi. Në videoklip ata të dy shfaqen në skena shumë të nxehta dhe duke bërë lëvizje provokuese në një shtrat.
Por Bearti nuk ishte djali i vetëm që shfaqet në klipin e këngëtares. Në klipin e “Rakia” protagonist ishte dhe një tjetër model, i cili luan rolin e ish të dashurit të Encës. Në fakt modeli në fjalë nuk është i njohur për shqiptarët, sepse është mësuar se ai është me origjinë nga Serbia. Djali që shfaqet në klipin e Encës quhet Stefan Stojanovic dhe në Instagram tregon se punon si dizajner këpucësh. Nuk dihet se si mund të jetë njohur Enca me modelin nga Serbia, por mesa duket këngëtares i ka bërë goxha përshtypje dhe nuk ka hezituar aspak që ta ftojë si protagonist në klipin e saj.
