Një nga konkurrentet më të dashura të publikut Beniada Nishani duket se “Big Brother”-in nuk e ka patur eksperiencën e parë sfiduese të sajën.
Modelja ka marrë pjesë në një rol në filmin e njohur italian të vitit 2018 “Loro”.
Ky film bëhet fjalë për historin e grupi të biznesmenëve dhe politikanëve “Loro” (Ata), që jetojnë dhe veprojnë pranë politikanit Silvio Berlusconi.
Pikërisht rolin e njërës prej femrave të ish-kryeministrit të Italisë e luan Beniada Nishani; ajo është gjithashtu pjesë e trailer-it zyrtar të filmit.
Beniada ka dhënë një intervistë disa vite më parë, në të cilën tregon detajet dhe eksperiencat e bashkëpunimit me regjizorin Sorrentino.
“Ishte shumë rastësor pasi mora pjesë falë fjalëve të një miku, në një nga cast-et e shumta që u bënë nëpër Itali. Pak për argëtim, pak si sfidë personale, vendosa të marr pjesë. Pas disa provave me skenarë të ndryshëm, arrita të realizoj një nga ëndrrat e mia më të mëdha. Paolo Sorrentino ma dha disa këshilla se si të interpretoja sa më mirë rolin tim. Ai ishte trajneri im i vërtetë në set Në film luaj një nga femrat e Berlusconit. Një vajzë e re që dëshiron të hedhë hapat e saj në këtë botë dritash, ëndrrash dhe shpresash”, -ka thënë ajo.
