Sa herë që Fifi vendos të zhvillojë një bisedë virtuale me ndjekësit e saj, të gjithë janë të interesuar më së shumti për historinë e saj të dashurisë. Këngëtarja ka pranuar prej kohësh se është e dashuruar me dikë, të cilin nuk ka pranuar ta zbulojë publikisht se kush është. Mirëpo duket se jo gjithçka ka shkuar siç ajo ka dashur, sepse këngëtarja nuk është e lidhur me njeriun që do.
“Fatkeqësisht apo fatmirësisht Zoti nuk të jep çdo gjë në jetë… Ama s’ka më të bukur se dashuria… thjesht dashuroni njerëz dhe nëse nuk mund ta keni kurrë. Dashuria është jetë e frymë”, është shprehur Fifi para disa kohësh.
Ndërkohë sot ndjekësit kanë dashur të dinë disa detaje më shumë për djalin që ajo dashuron. E pyetur se si ja ka fituar zemrën ky djalë, Fifi është përgjigjur: “Jam dashuruar me sytë e tij e duke i dhënë dashuri”.
Ajo ka treguar se ka 2 vite e gjysmë e dashuruar me personin në fjalë. Ndërkohë dikush tjetër e ka pyetur se pse Fifi e ka të vështirë ta pranojë dashurinë dhe këngëtarja është përgjigjur: “Unë nuk e kam mohuar asnjiherë që jam e dashuruar. Mohoj që jam në lidhje, sepse nuk jam realisht nuk jam!”.
Ndërkohë kur është pyetur për tatuazhin më të rëndësishëm që ka në trup, të gjithë e merrni me mend se cili është, “Stracciatella”.
Pak kohë më parë këngëtarja tregoi në “Shiko kush luan” se tatuazhin “Stracciatella” ia ka dedikuar personit të saj të zemrës.
“‘Stracciatella’ e thirri atë djalin që unë e kam qejf. Qaq shumë që e du, kam dasht me e ba tattoo”, tregoi Fifi.
