Zëvendësministrja e Arsimit Lorena Haxhiu pasditen e sotme ishte e ftuar në emisionin “Ftesë në 5”, prej ku u emocionua pafund nga një surprizë që iu bë, e cila në fokus kishte personin më të shtrenjtë për të, që për fat të keq nuk jeton më.
Po flasim për gjyshen e Lorenës e cila është pika e dobët e saj dhe kur ajo flet për të nuk arrij që t’i mbajë dot lotët.
Me lot në sy, ajo ndau me publikun disa nga shprehjet domethënëse që gjyshja e saj i thoshte gjithmonë: “Më thoshte, fjalët e shtëpisë nuk janë për në pazar; gjuha kocka s’ka, e kocka thyen; nëse fjala është argjend, heshtja është flori.”
Ndër të tjera, me zërin që i dridhej, Lorena falenderoi moderatoren e emisionit Bieta Sulon dhe stafin e saj për surprizën e cila e preku tej mase: “Unë nuk e di se sa e mirë u tregova për të përballuar emocionet e një surprize që erdhi ashtu siç e ka edhe emrin, surprizë, por që të flisja për gjyshen time më erdhi kaq papritur dhe iu falënderoj.”
