Aktori i njohur, Bob Odenkirk është në gjendje të mirë shëndetësore pasi humbi ndjenjat në xhirimet e “Better Call Saul”.
Së fundmi, 58-vjeçari ka bërë një postim në Twitter nëpërmjet të cilit i ka njoftuar fansat për gjendjen e tij shëndetësore dhe për t’i falenderuar ata për mbështetjen e tyre.
“Unë jam duke u shëruar”, tha Bob për ndjekësit e tij.
Aktori u dërgua me urgjencë në spital më 27 korrik pasi humbi ndjenjat dhe u rrëzua në xhirimet e shfaqjes fituese të “Emmy”. Odenkirk ishte duke xhiruar në New Mexico kur ndodhi incidenti.
“Për familjen dhe miqtë e mi që më kanë rrethuar këtë javë. Por unë e ndiej dashurinë dhe kjo do të thotë shumë”, tha ai në Twitter.
“Unë pata një sulm të vogël në zemër. Por do të jem mirë falë Rosa Estrada dhe mjekëve që u kujdesën për mua pa një operacion. Gjithashtu, mbështetja dhe ndihma e AMC dhe SONY gjatë gjithë kësaj ka qenë e nivelit tjetër. Do të rikthehem shpejt”.
Ky lajm i lumturoi të gjithë miqtë dhe fansat e tij, të cilët vërshuan me komentet dhe urimet e tyre.
“Bob është një nga njerëzit më të fortë që njoh si fizikisht ashtu edhe shpirtërisht. Ai do ta kalojë këtë, “shkroi komediani David Cross.
