Në një kohë kur çdo ditë dalin dieta të reja dhe trende për mirëqenie, ekspertët e Harvardit theksojnë se shëndeti i vërtetë nuk gjendet te këto trende, por te zakonet e vogla dhe të qëndrueshme që mund t’i mbajmë gjatë gjithë jetës. Dr. Wynne Armand, mjeke në Shkollën e Mjekësisë të Harvardit, sugjeron pesë zakone të thjeshta që mund të transformojnë shëndetin dhe jetën tonë përditshme.
- Dedikoni kohë për momentet e ditës suaj
Meditimi dhe ndërgjegjësimi (mindfulness) nuk janë vetëm trende. Ato kanë efektivitet të vërtetë, pasi ndihmojnë në uljen e stresit, përmirësimin e gjumit dhe rritjen e përqendrimit. Një shëtitje në natyrë mund të na kthejë në momentin e tanishëm dhe të qetësojë sistemin tonë nervor. Teknikat e frymëmarrjes, si frymëmarrja katror (box breathing), ndihmojnë në menaxhimin e stresit dhe rregullimin e presionit të gjakut. - Vendosni gjumin prioritet
Mungesa e gjumit shkakton lodhje, nervozizëm dhe mund të dëmtojë imunitetin, të rrisë rrezikun e mbipeshës dhe të ndikojë në kujtesë dhe humor. Ekspertët sugjerojnë 7 deri 9 orë gjumë cilësor çdo natë. Për një gjumë më të mirë, shmangni kafenë pasdite, ushqimet e rënda dhe përdorimin e ekraneve para gjumit. - Zgjidhni ushqime të shëndetshme
Një dietë e pasur me fruta, perime, bishtajore dhe drithëra të plota është baza e jetës së gjatë dhe të shëndetshme. Ushqimet bimore ndihmojnë në uljen e rrezikut për sëmundje të zemrës, kancer, diabet dhe mbipeshë. Nga ana tjetër, ushqimet e përpunuara përmbajnë shumë sheqer dhe kripë, duke stimuluar trurin dhe duke na bërë t’i kërkojmë vazhdimisht ato. Prandaj, është e rëndësishme të gatuani sa më shumë në shtëpi dhe të zgjidhni ushqime të shëndetshme. - Lëvizni më shumë – uluni më pak
Jeta sedentare është armiku i heshtur i mirëqenies. Nuk është e nevojshme të bëni ushtrime të rënda për të përfituar; mjafton një shëtitje e shpejtë prej 30 minutash çdo ditë. Dr. Armand sugjeron që të shohim aktivitetin fizik jo si një detyrë, por si një mundësi për krijim dhe kënaqësi. Flisni me miqtë ndërsa ecni, ose zëvendësoni takimet online me një shëtitje në park. - Mbrojini trupin tuaj nga ndotësit e padukshëm
Mikroplastikat, kimikatet PFAS dhe ndotja atmosferike janë kudo. Ekspertët e Harvardit paralajmërojnë se këta ndotës të vegjël depërtojnë në mushkëri dhe në gjak, duke ndikuar në zemrën, enët e gjakut dhe trurin. Shëndeti nuk është çështje fati apo “zgjidhjesh magjike”. Ai është rezultat i zgjedhjeve të qëndrueshme dhe të vogla që bëjmë çdo ditë: të lëvizim, të ushqehemi shëndetshëm, të pushojmë, të kujdesemi për mendjen dhe për mjedisin tonë.
