Celulari është bërë pjesë e pandashme e përditshmërisë sonë, por ka disa vende ku lënia e tij mund të shkaktojë më shumë dëm sesa e imagjinojmë. Qoftë për arsye shëndetësore, sigurie apo dëmtimi të pajisjes, këto pesë vende duhen shmangur me çdo kusht.
1. Nën jastëk gjatë gjumit
Shumë njerëz e mbajnë celularin afër kokës kur flenë, por vendosja nën jastëk mund të shkaktojë mbinxehje të pajisjes dhe të rrisë ekspozimin ndaj valëve elektromagnetike, sidomos nëse po karikohet.
2. Në banjë
Duket si vendi perfekt për të kaluar kohën, por lagështira, bakteret dhe mundësia e rënies në ujë e bëjnë banjën një nga vendet më të rrezikshme për celularin tuaj. Pa përmendur ndotjen bakteriale që përhapet më pas.
3. Në kuzhinë, pranë sobës ose mikrovalës
Temperaturat e larta, avujt dhe pajisjet elektromagnetike mund të ndikojnë negativisht në funksionimin e celularit dhe të shkaktojnë dëme të padukshme në harduer.
4. Në makinë, në panelin e përparëm gjatë verës
Nxehtësia që grumbullohet në makina gjatë verës mund të dëmtojë seriozisht baterinë e celularit dhe të çojë në prishje afatgjatë të pajisjes. Gjithashtu, rrezatimi direkt nga dielli është një tjetër kërcënim.
5. Në xhepin e pasmë
Të ulesh me celularin në xhepin e pasmë mund të çojë në përkuljen apo thyerjen e tij. Përveç kësaj, ka studime që sugjerojnë se mbajtja e celularit afër trupit për periudha të gjata nuk është optimale për shëndetin.
