Zakonisht njerëzit e famshëm duhet të punojnë shumë për të bërë para dhe për të arritur famë, por ka mjaft personazhe të njohur që gabimisht kanë fituar famë. Më poshtë ICONstyle ju sjell të ashtuquajturit “të famshëm” shqiptarë që janë pikasur ose kanë folur në kohën dhe vendin e duhur.
Kallashi
Kallashi emrin e vërtetë e ka Donjeta Kosumi. Ajo ka lindur në Ferizaj, por ka kohë të gjatë që jeton nëPrizren. Karrierën e nisi si kërcimtare në lokale nate. Ajo njihet si valltarja më e mirë në Prizren, por nuk u mjaftua me kaq. Ajo ka provuar edhe këngën dhe thotë se nuk do ta lërë me kaq por do të vazhdoje te këndojë. Dhe ia doli! U bë e famshme jo vetëm në Kosovë por edhe në Shqipëri.
Linda Morina
Linda Morina u bë e njohur nga vargjet që ju thurrte politikanëve shqiptarë. Emri i vërtetë i Lindës është Fexhrije Igrishta dhe vjen nga fshati Dumnicë e Vushtricës. Ajo ka vendosur ta ndërrojë emrin për shkak se nuk i ka pëlqyer i vjetri. Nuk janë të rrallë këngëtarët e muzikës popullore që ju bëjnë këngë ushtarëve të UÇK-së, sidomos dëshmorëve. Por këngëtarja Linda Morina u ka kushtuar vargje pothuajse të gjithë politikanëve.
Vali Corleone
Vali Corleone u bë i njohur nga mbiemri i tij. Ai hyri fuqishëm në showbiz-in shqiptar duke u cilësuar si pjesë e familjes Corleone, por në fakt Vali është nga Gjilani dhe vjen nga një familje që merret me biznes. Jeta e tij luksoze dhe veturat e shtrenjta, apo thashethemet me femrat janë ato që kanë përbërë më tepër lajm, sesa Valdrini (emri i tij i vërtetë).
Kristin Prengaj
Ajo u njoh fillimisht nga thashethemet që lindën për një lidhje dashurie me reperin shqiptar Noizy. Kristin Prengaj sot njihet is një modele figurante edhe pse shpesh herë paraqitja e saj fizike është vënë në pikëpyetje, për shkak të ndërhyrjeve plastike të cilat janë të dukshme nga ndryshimet drastike që ajo ka pësuar në fytyrë dhe në trup. Kristin Prengaj i ka mohuar të dyja, edhe lidhjen me Noizy-n dhe operacionet, të cilat nuk i ka pranuar. “Me Noizyn nuk kam pasur lidhje, thjesht shok e kam, asgjë më shumë”, ka thënë Prengaj e cila ia ka dalë të bëhet e famshme.
Gugu
Gugu sot njihet si një ndër këngëtaret shqiptare që ka bërë famë falë skandaleve. Ajo ka lindur në qytetin e Lezhës, fillimet e karrierës së saj datojnë që në moshën adoleshente, si pjesëmarrëse në aktivitetet e ndryshme si “Top Fest 6”. Megjithatë, ajo kurrë s’ka pikasur në skenën muzikore, deri sa zbuloi ‘sekretin’ e famës dhe vendosi të zhvishet për fansat. GuGu u bë gjithashtu e njohur për publikun nëpërmjet skandaleve dhe deklaratave rreth orientimit të saj seksual. Në videoklipin e këngës “Sun m’nalin”, Gugu – e cila ka deklaruar publikisht që i pëlqejnë edhe femrat – shihet në disa momente të nxehta.
“Djali i ehaaaaa”
Djali nga Dibra, i cili u bë i famshëm “nga halli” dhe më tepër për përgjigjen që i dha gazetares së “Fiks Fare”, që prej videos së bërë publike dhe virale më pas në rrjetet sociale, ai nuk është dukur më, pavarësisht kërkesës së disa nga prezantuesve shqiptarë për ta pasur në studio dhe për ta intervistuar.
Burimi: ICONstyle
