Pas lajmeve se personazhi i “Superman” do të jetë homoseksual, tashmë edhe një personazh tjetër do të bëhet pjesë e komunitetin LGBTIQ. Bëhet fjalë për personazhin Dafne në filmin “Scooby-Do”, e cila do të jetë lezbike. Gjithashtu edhe Velma e “Scooby-Do” është kondirmuar së fundmi si homoseksuale në klipet e reja të filmit.
View this post on Instagram
Kjo ka qenë tema e diskutimit gjatë ditës së sotme në emisionin “Breaking” ku të ftuar ishin çifti Edlira Mara dhe Alba Ahmetaj, dhe gazetari Flavio Qarri.
Të ftuarit u përfshinë në një debat, pasi deklaruan se këto filma ndihmojnë fëmijët e komunitetit LGBTIQ që të mos ndihen vetëm. Sipas gazetarit Qarri, një fëmijë nuk mund të jetë kurrë LGBTQ, pasi një 6-vjeçar nuk mund të jetë objekt seksual.
Gjithashtu çifti i lezbikeve deklaruan se “nuk ka asnjë problem” që fëmijët e tyre të shohin filma të tillë, dhe përgjigja e tyre u pasua nga kundërpërgjigje të Flavio Qarrit.
Pjesë nga debati:
Çifti: Ato mund të shohin çfarëdolloj filmash të duan, siç kemi parë ne filma me dhunë dhe me heteroseksualë dhe jemi bërë homoseksualë. Do t’i lejojmë t’i shohin në çfarëdolloj moshe të duan ato.
Flavio: Po ‘h*rdc*re porno’ do i ilini fëmijët?
Çifti: Mos e banalizo. Për fëmijët e mi të kesh kujdes.
Flavio: Për mua figura lezbike është porno, për ty ‘h*rdc*re porno’ është okej?
Çifti: Të dija inteligjent Flavio.
Flavio: E para, ne jemi shoqëri tmerrësisht paragjykuese por vetëm ndaj homoseksualëve dhe LGBT-ve nuk jemi fare. S’ka pse të jemi. Homofobia dhe ruajtja e fëmijëve dhe edukimi i tyre nuk kanë lidhje me njëra-tjetrën. E dyta, ne qenkemi shoqëri kaq homophobe por çuditërisht këta homoseksualët janë kudo nëpër organizata nëpër tv nëpër industri dhe nuk kanë asnjë problem. Në tv tonë ne e dimë që janë homoseksualë dhe askujt nuk i plas për jetën personale të tjetrit, ama nuk shoh romë nuk shoh persona me aftësi ndryshe, sa veta me sindromën down kemi në punë? Sepse e dimë të gjithë që në shtet ka homoseksualë, patjetër që ka, kur flasim për paragjykime, kemi të bëjmë me komunitete të tjera që janë më të shumta në numër dhe nuk marrin asnjë lloj shërbimi.
Të pyetur nëse duhet t’ja shpjegojnë fëmijëve këto filma, përgjigjet e të ftuarve ishin:
Flavio: Një fëmije nuk i duhet sqaruar kjo gjëja. Shpresa është që të mos e shikojë. Ai prind dhe ai fëmijë duhet të edukohen mbi bazën e një edukate shëndetësore, edukae psikologjike dhe tradite të asaj familje mbi modelin e çfarë është normale dhe çfarë jo.
Çifti: E vetmja mënyrë që t’ja shpjegosh fëmijës është që ky djali dashuron këtë djalin tjetër, është shumë e thjeshtë. Filmat me personazhe LGBTQ ndihmojnë fëmijët të mos ndihen vetëm, e po ashtu ndihmon të rriturit që të kuptojnë dhe të mbështesin ata.
Flavio: Si është një fëmijë LGBTQ, si mund të jetë një 6-vjeçar objekt seksual?
Çifti: Nuk po thotë njeri që fëmijët janë objekt seksual, por ata kanë pëlqime ndaj njëri tjetrit, ndaj një vajze ndaj një djali dhe ti e konfirmon këtë.
Flavio: Jo. Kanë ndjenja thellësisht a-seksuale. Seksualizimi i tyre është përgjegjësi e të tjerëve dhe i dëmton ata më shumë se çdo gjë tjetër. Tmerri më i madh është që fëmijët më të vegjël kanë probleme me atë që është dallimi mes çfarë është e mirë dhe e keqe, e duhur dhe e paduhur për ta.
Çifti: Një çift vajzash në një karton mes mijëra kartonëve çfarë tregon?
Flavio: Agjenda LGBT fatkeqësisht një kapacitet të madh për të propaganduar. Ka edhe financat.
Çifti: Gabohesh.
Flavio: Me çfarë merreni ju? Cila është puna juaj?
Çifti: Punojmë për organizatën Pro Lgbt.
Flavio: Pra paguheni për atë organizatë për atë axhendë?
Çifti: Absolutisht.
Më tej Flavio vuri në dukje se ato paguhen duke qenë pjesë e një organizte LGBT, ndërsa nuk vlen e njëjta gjë për heteroseksualët.
