Dojna Mema dhe Vlashent Sata pranuan publikisht lidhjen e tyre në fund të vitit të shkuar, për ta nisur 2021 zyrtarisht si çift. Ata kanë 3 vite bashkë dhe për herë të parë janë njohur me njëri-tjetrin në një intervistë që Dojna i ka bërë Vlashentit, teksa ishte prezantuese në “Pop Culture”. Që nga momenti që e kanë bërë lidhjen publike ata të dy nuk kanë nguruar që të ndajnë me ndjekësit disa nga çastet më të bukura që kalojnë më njëri-tjetrin.
Mirëpo, për njohjen e tyre në emision s’kishin folur ndonjëherë gjerë e gjatë, ndaj Vlashenti rrëfeu në “Top Albania Radio” ç’mendoi për moderatoren në takimin e tyre.
“Unë dukesha ai djali ‘boring’ intelektual që ndonjëherë e teproj dhe ajo me batutat e mia kurse ajo më ka mahnitur. Mendova se ishte një vajzë e bukur ekrani me zhdërvjellësinë e një programi për të rinj siç ishte “Pop Culture”. Ndërkohë, Dojna ka një inteligjencë që është e rrallë për ekran dhe jemi shkrirë duke qeshur. Thash uau kjo goca qenka e mrekullueshme, kjo ishte njohja jonë e parë. Sot, të kesh një njeri që të do, jeta merr më tepër kuptim”, tregoi Vlashenti.
Megjithëse ka treguar që momentalisht s’mendon fare për martesë dhe ndonjëherë beson se s’do të martohet kurrë, moderatorja dhe partneri kanë marrë një tjetër hap të rëndësishëm në lidhjen e tyre.
Ata kanë nisur bashkëjetesën, siç kanë lënë të kuptohet nga postimet në Instagram.
