Një fenomen mjaft shqetësues që sa vjen e përsëritet në vendin tonë është ai keqtrajtimit të kafshëve më besnike të njeriut, qenve.
Rasti i fundit i ka ndodhur në Seman të Fierit, ndërsa “Joq” ka publikuar videon horror të qytetarit që tërheq zvarrë kafshën e gjorë në pjesën e pasme të makinës së tij. Nga pamjet duket se qeni ka ngodhur, mirëpo akoma nuk janë bërë të ditura arsyet e këtij veprimi kaq të tmerrshëm.
Gjithashtu, rastet shqetësuese me qentë endacakë që keqtrajtohen dhe lihen në kushte mizerabël nga pushteti vendor sa vijnë e shtohen dhe akoma nuk është marrë asnjë masë konkrete për zgjidhjen e këtij problemi kaq madhor. Pavarësisht se të tilla raste janë dënuar gjithmonë nga shoqëria, vazhdojnë ende të jenë të shumta dhe të bëhen akoma më shqetësuese.
Së fundmi, në rrjet kanë nisur të qarkullojnë disa video në të cilat shihet se si policët bashkiakë marrin qentë zvarrë në lagjet e qytetit dhe i çojnë më pas në spital për t’i vrarë me acid klohridrik ne zemër.
Gjithashtu, këto ditë të gjithë jemi njohur me mënyrën e re të vrasjes së qenve nga personat e pashpirt, që i japin kafshëve ushqim të helmuar dhe i lënë të ngordhin.
