Arbnora Ademaj, aktorja e njohur shqiptare po merr një vëmendje të jashtëzakonshme së fundmi. Bukuroshja e cila po merr një vëmendje të madhe në fushën e aktrimit në Turqi, ka thënë se ka anuluar 2 projekte për të qenë pjesë e “Dance With Me”.
“Është një kënaqësi e jashtëzakonshme për të qenë pjesë e këtij spektakli. Për të qenë pjesë e këtij spektakli, kam anuluar 2 projekte në Turqi dhe kam ardhur enkas për këtë projekt këtu”, theksoi ajo.
Arbnora foli më herët edhe për karrierën e saj. Madje, ajo zbuloi se së shpejti Netflix do të flasë shqip.
“Një gjë mund ta zbuloj për publikun shqiptar. Përveçse do të jem në Netflix, do të flas dhe shqip, kjo është më e bukura e gjithë kësaj” – theksoi ajo.
Arbnora Ademaj ka marrë pjesë në serialin e njohur turk “Kirik Hayatlar” dhe menjëherë mori një famë të jashtëzakonshme. Për këtë arsye, suksesi i saj vijon edhe në projekte të tjera e jo vetëm.
Mirëpo së fundmi ajo është rikthyer sërish në garë, pasi u eliminua herën e kaluar. Po përse?
Ajo dhe dy konkurrentë të tjerë shkuan në sfidë, mirëpo kjo gjë nuk lejohej nga produksioni. Pra, nuk lejohet që në sfidë të shkojnë tre konkurrentë. Prandaj bukuroshja është rikthyer në garë dhe do vijojë konkurrimin.
