COVID-19 ka ndryshuar mënyrën se si bizneset ndërveprojnë me klientët e tyre. Ndërsa jeta e përditshme ndryshoi gjatë gjithë pandemisë, markave iu desh të rregullonin strategjitë e shitjeve dhe të përshtateshin me kufizimet globale me planet e tyre të marketingut. Shpenzimet globale të reklamave ranë me 4.2% në vitin 2020, media dixhitale u rrit me 8%, duke arritur në total 336 miliardë dollarë. Në fakt, vlerësohet se mediat dixhitale përbënin 59% të të gjitha shpenzimeve globale të reklamave në vitin 2020, gjë që sugjeron se shumë marka iu drejtuan ndikuesve të mediave sociale dhe krijuesve të përmbajtjes dixhitale për marketing gjatë pandemisë.
Vendet e punës dhe shkollat u mbyllën dhe ngjarjet personale si dasmat, koncertet dhe sportet u anuluan, kështu që nuk është çudi që konsumi global i përmbajtjes në internet u dyfishua në vitin 2020 në gati 7 orë në ditë. Numri i përdoruesve aktivë të mediave sociale u rrit me 12.3% në vitin 2020, dhe përdoruesi mesatar i internetit shpenzoi 2 orë e 26 minuta në mediat sociale çdo ditë në vitin 2020.
Të gjitha këto sollën rritje të numrit të influencers në mbarë botën dhe vihet re se të rinjtë kanë dëshirë të gjenerojnë para duke krijuar përmbajtje në rrjetet sociale. Rreth 300,000 njerëz në ditët e sotme nga moshat 18-26 po shfrytëzojnë prodhimin e përmbajtjeve për rrjetet sociale si burim të vetëm të të ardhurave.
