Ylli i “Saturday Night Live”, 28, sigurisht që nuk kishte frikë të “tallej” me reperin e hitit “Heartless”,me të cilin ai ka qenë në një situatë të sikletshme pas lidhjes me Kim Kardashian. Pete njihet për “humorin e zi” të tij dhe nuk kishte si ndodhte ndryshe teksa ai doli në skenë në një event komedi të “Netflix Is A Joke Fest” në Los Angeles.
Gjatë shfaqjes kryesore të mikut të tij Dave Chappelle në Hollywood Bowl, Pete performoi si komedian i ftuar. Ai bëri shaka në skenë duke thënë se Kanye i tha se ai ka SIDA, raportoi Deadline. Pete shtoi se ai ishte për një moment i bindur se ishte e vërtetë sepse reperi “është një gjeni”, siç thonë të gjithë.
Kanye është kontaktuar për ndonjë koment lidhje me shakatë e Pete por akoma ska një reagim nga ana e tij.
Grindja mes Kanye dhe Pete filloi pasi ylli i SNL filloi të takohej me Kim vjeshtën e kaluar. Në shkurt, Kanye e përshkroi veten duke rrëmbyer dhe varrosur të gjallë Pete në videoklipin e tij “Eazy”. Më vonë Pete i dërgoi mesazh Kanye-s në një përpjekje për të diskutuar gjërat, por gjithashtu dërgoi një selfie dhe tha se ai ishte “në shtrat me gruan tënde”. Kim bëri kërkesë për divorc nga Kanye në i 2021 dhe tashmë duket mjaft e lumtur me Pete.
