Reperi Gjiko dhe moderatorja Elita Rudi janë ndër çiftet më të adhuruara në Kosovë. I ftuar në emisionin “Top Show Magazine”, Gjiko foli për historinë e tyre të dashurisë.
“Elita është e dashur ime. Ne bashkëjetojmë ndaj si me unazë, e si pa unazë është njësoj. Ajo është 24 vjeç, i duhet të punoj edhe pak” – tregoi Gjiko.
I pyetur sesi e thërret me përkëdheli të dashurën e tij, Gjiko përgjigjet: “E thirri Eli ose Gjyle. Ishte Shën Valentini dhe për shkak të angazhimeve na u prishën planet. Pashë fluturimet dhe kishte një fluturim të lirë për në Verona. Të them të drejtën, as nuk e dija se nga i binte dhe se ishte vendi i Romeos dhe Xhuljetës. E zgjova në mengjes Elitën, i kërkova të bëhej gati se kishim vetëm 30 minuta kohë për t’u nisur. E kështu lindi historia e Rremës dhe Gjylit.”
Gjiko paralajmëroi se ndoshta shumë shpejt çiftin do ta shohim edhe në një bashkëpunim muzikor.
