Është një nga këngëtaret më të hapura me publikun që thotë çfarë i vjen në mendje, në mënyrën e saj të drejtpërdrejtë dhe publiku e do shumë për zërin dhe talentin së pari, por edhe tipin, sërish do ketë nga ata që kanë vërejtje. Megjithatë, ajo nuk lodhet dhe kthen përgjigje për çdo pyetje sado e sikletshme të jetë.
Ne e dimë që një nga karakteristikat e pamjes së Aurelës është edhe grimi i theksuar, shumë herë i pazakontë, me buzë blu dhe kapakë sysh të mbuluar me xixa, që shpesh ajo, siç vepron me veshjet, e realizon vetë për të shprehur edhe në pamje tipin e saj ekstravagant, atë elementin ndryshe që e dallon nga të tjerët dhe që e bën unike e të papërsëritshme. Megjithatë ndoshta disave kjo u duket si ‘llangosje e tepruar’, ndoshta edhe për të fshehur shenjat e moshës dhe lodhjes.
Sot, Auerla u ka dhënë një përgjigje të gjithëve duke publikuar një foto pa grim, kur është madje duke u kthyer nga një koncert në New York ku ka kënduar për orë të tëra dhe me siguri do jetë lodhur…ose ne mendojmë kështu, sepse ajo duket sikur nuk lodhet kurrë. Fotoja ka filtra sigurisht, po këngëtarja nuk ka ndër mend ta fshehë këtë, madje e shpreh që kjo është diçka e mirë sepse fsheh ndonjë gjurmë lodhjeje. Mirë, edhe Aurela lodhet.
“Miremengjes “me uje e sapun”, Për të gjithe ata që shqetesohen, se përse “llangosem” aq shumë..Ore po si s’u lodhen me këtë pyetje xhanëm… #NË ÇDO KOHË DO TË JEM KJO QË JAM# KUSH NUK.MË KA KUPTUAR DERI TANI, KURRE MOS MË KUPTOFTË. Filtrat i ka telefoni, s’e ndryshoj dot këtë fakt ( rrofshin kush i shpiku se na fshehin pak lodhjen)”, shkruan Aurela.
Kjo është Aurela që kur bën stërvitje në palestër del ujë e sapun dhe kur është gati për të dalë në skenë realizon një super grim. Quajeni po të doni ‘llangosje’, ajo nuk ndryshon, vetëm lërini komentet kur nis e këndon.
