Nuk e dimë nëse ky është një trend i huazuar nga VIP-at e huaj, një mënyrë për t’i paraprirë frikës së marrjes mësysh apo grabitjes, por dimë që shumë nga shumë personazhet e famshme këtu në Shqipëri, e përdorin.
Ka nga ata që janë bërë prindër për herë të parë, por edhe nga ata për të cilët nuk ka qenë hera e parë, që preferojnë të mos i publikojnë fytyrat e fëmijëve në rrjetet sociale apo në kopertina revistash. INtv sjell vetëm disa prej tyre: Adelina Ismaili, Aurela Gaçe, Alketa Vejsiu, Ilva Tare, Arbana Osmani apo Arjan Çani.
Adelina Ismaili
Vetëm para pak kohësh, Adelina Ismaili ka lidnur djalë nga martesa me menaxherin e saj Val Krasniqi. Këngëtarja aktualisht jeton në Zvicër si dhe po shijon për herë të parë ndjenjën e të bërit prind. Edhe Adelina nuk e ka publikuar ende fytyrën e djalit.
Aurela Gaçe
Aurela Gaçe është kënëgtarja e radhës që ndjek të njëjtën traditë edhe me vajzën e dytë, Abigal. Këngëtarja nuk i zbulon fytyrat e tyre në publik, duke ekspozuar vetëm pjesën e prapme.
Alketa Vejsiu
Edhe Alketa i ka lënë të gjithë në kuriozitet për të mësuar se cilët janë fëmijët e saj. Moderatorja ka publikuar foto me ta por pa zbuluar fytyrat.
Ilva Tare
Gazetarja i ka mbajtur në mister të plotë portretet e fëmijëve të saj. Pas vogëlushes Melody, Ilva u bë mama edhe e një djali.
Arbana Osmani
Ajo dhe bashkëshorti i saj Arditi ka disa vite që janë në lidhje, dhe familja e tyre është zgjeruar me ardhjen në jetë të djalit fytyrën e të cilit nuk e zbulon.
Arjan Çani
Edhe pse pranon se është personazhi më me pa komplekse në Shqipëri, Arjan Çani tek familja është tejet i rezervuar. Moderatori i njohur është baba i dy fëmijëve, një djali dhe një vajze të cilët i ka mbajtur larg vëmendjes mediatike. Madje fytyrën e vajzës ai nuk e ka zbuluar kurrë.
