“Feminizmi” është një temë mjaft e gjerë që çdo herë nxit debate të shumta.
Shoqëria shqiptare vijon ende të ruajë disa tipare patriarkale dhe ndonëse duket të jemi ende larg thyerjes së këtyre mureve, dikush diku duhet ta fillojë.
Fjoralba Ponari ka publikuar së fundmi një story (për të cilin nuk e dimë se nga u nis), por cilido qoftë motivi, bëri shumë mirë sepse mesazhe të tilla nevojiten hera-herës sidomos në rrjetet sociale, që janë komplet të zhveshura nga këto aspekte delikate.
Moderatorja bukuroshe ka publikuar një status në Instastory, ku shkruan:
Feminizëm nuk do të thotë “anti-meshkujve”, do të thotë pro mundësive të barabarta gjinore. Të gjithë duhet të jemi feminist!
Pra, çfarë është feminizmi?
Feminizmi është një gamë e lëvizjeve dhe ideologjive që ndajnë një qëllim të përbashkët: të përcaktojë, krijojë, dhe të arrij barazi politike, ekonomike, kulturore, personale, dhe të drejtat shoqërore për gratë. Kjo përfshin kërkesat për të krijuar mundësive të barabarta për gratë në arsim dhe punësim. Një feminist/feministe mbron ose mbështet të drejtat dhe barazinë e grave. Pra fjala “Feminizëm” do të thotë barazi.
Lëvizjet feministe kanë bërë fushatë dhe vazhdojnë të bëjnë fushatë për të drejtat e grave, duke përfshirë edhe të drejtën për të votuar, për të mbajtur poste publike, për të punuar, për paga të drejta apo pagesë të barabartë, për të poseduar pronë, për arsim, të kenë të drejta të barabarta në martesë, dhe të kenë pushimin e lindjes. Feministët kanë punuar gjithashtu për të nxitur autonominë dhe integritetin trupor, për të mbrojtur gratë dhe vajzat nga përdhunimi, ngacmimi seksual dhe dhuna në familje.
Feminizmi në ditët e sotme.
Në ditët e sotme, femrat po fitojnë gjithnjë e më shumë të drejta, gjithashtu, kanë më shumë rol dhe integrim në jetën sociale, politike e ekonomike. Me gjithë këtë, mjerisht, ende vazhdon dhuna fizike, psiqike ndaj saj, keqtrajtimet e ndryshme, deri në mbytje, vrasje….! Kështu ndodh në të gjitha kontinentet, nga Azia në Afrikë, nga Australia në Amerikë… Statistikat tregojnë se sot miliona gra janë viktima të akteve të rënda të dhunës nga të dashurit apo bashkëshortët, çdo vit.
Secili komb ka zhvillimin e vet shoqëror dhe nuk mund të imagjinohet që të ngjitesh lart pa pasur shkallë. Ndërkaq këto shkallë, në këtë rast, janë tradita që është krijuar me pjesëmarrjen e gruas në jetën publike. Prania e femrës shqiptare në jetën publike duhet të vijë bashkë me zhvillimin e përgjithshëm shoqëror e jo të jetë ajo një imponim ose imitim.
