Në natën më të pritur në Nju Jork Chiara Ferragni dhe Fedez mbërritën së bashku, për Met Gala-n e tyre të parë si çift. Ata ecën së bashku në hapat e famshëm të Muzeut Metropolitan të Artit në New York për të festuar ekspozitën e re- “Në Amerikë: Një Antologji e Modës”.
Chiara kishte qenë tashmë në “Met Gala” para 5 vitesh por në një postim në rrjete sociale ajo u ndal më shumë në këtë moment.
“Met Gala ime e parë ishte në vitin 2015. Unë isha e ftuar nga Calvin Klein dhe kisha shumë frikë të isha atje. Ajo ishte një periudhë shumë depresive në jetën time pasi unë jetoja në Los Angeles, isha në një marrëdhënie që nuk funksiononte, u ndjeva aq e vetmuar dhe e mbyllur profesionalisht, ndërsa njerëzit e tjerë merrnin shumicën e vendimeve të mia. Dhe përsëri ‘Met Gala’ ishte fantastike, por nëse mendoj për atë vit, mund të mendoj vetëm ti bëre një punë të mirë Chiara, që arrite të largohesh nga ai moment i jetës tënde, të krijosh rregullat e tua dhe të bëhesh shefja e vetes”.
Ajo vazhdoi më tej duke thënë se nëse Chiara e vitit 2015 do ta shihte Chiara-n e vitit 2022, do të qante nga gëzimi dhe kjo është ajo që do të thotë kjo “Met Gala” për atë, dorë për dore me burrin, e lumtur dhe krenare dhe se të gjithë e meritojnë të ndihen kështu.
