Të gjithë e kemi përjetuar dashurinë në forma të ndryshme! Dashuria nuk është të përshkoni të njëjtën rrugë, por të vëzhgosh rrugë të ndryshme me sy të njëjtë, me të njëjtën kurajë dhe me të njëjtën dëshirë për t’i arritur.
Kujdes! Nuk është gjithmonë kështu!
Në shumë raste, dashurohemi marrëzisht me dikë që nuk na konsideron fare, me dikë që nuk na jep asnjë pjesë të vogël të zemrës së tij, me dikë që edhe pse e di që s’do të na dashurojë kurrë sërish na mban me iluzione që na zhysin në dëshpërim të thellë. Por pyetja që na mbetet është “Përse e marrim këtë hap?”:
1.Vetërespekt i ulët
“Pranojmë dashurinë që mendojmë se meritojmë”.
Zvogëlohemi në pjesë të vogla, gjithmonë e më të vogla, sa tretëmi tërësisht pas një dashurie që s’na jep asgjë, veçse na bën të humbasim veten. Vetërespekti i ulët na bën që të shpresojmë në një dashuri që s’do të lindë kurrë, në vend që të kemi kurajën të nisim një tjetër lidhje që nxjerr në pah natyrën tonë të vërtetë.
2.Adhurojmë historitë e komplikuara
Të komplikuara dhe rebele. Duam një histori dashurie që të na rrëmbejë gjumin, që të na bëjë të djersisim, që të thyejë rutinën e mërzitshme të përditshme dhe e duam patjetër të pamundur. Dashuritë e pamundura në bëjnë të ndihemi të shkatërruara, por të forta, të guximshme dhe të kokëforta. Ja përse na pëlqejnë.
3.Rreziku është më eksitues se sa qartësia
“Kur një njeri dëshiron diçka duhet të jetë i vetëdijshëm se po rrezikon. Por është pikërisht kjo që e bën jetën interesante”.
Të rrezikosh është eksituese, sidomos në dashuri sepse jeni dy dhe çdo veprim i korrespondon një reagimi, është bukur të pyesësh: “Të njëjtën apo të kundërtën?”.
4.Lexojmë shumë romanca
Letërsia na ka shkatërruar ekzistencën, shumë histori dashurie shumë perfekte kanë injektuar thellë nesh idenë e “Princit të Kaltër”, një mashkull i fortë dhe me vlera, i sinqertë, i qëndrueshëm dhe më inteligjent.
Problemi i vetëm: Nuk ekziston.
Kështu që dashurohemi me meshkuj me tip komplet të ndryshëm, e që s’na e kthejnë kurrë dashurinë. Kalojmë nga faza po “vuaj për një djalë”, në po “vuaj për një tjetër djalë”, pa bërë kurrë një pauzë.
Vetëm kur të kuptojmë që “Princi i Kaltër” nuk ekziston do të arrijmë të shohim e pranojmë defektet tona në mënyrë që të nisim një lidhje dashurie që na përshtatet.
5.Sepse kemi frikë se kurrë nuk do të na dashurojë dikush
Sa më shumë që kjo frikë na dominon, aq më shumë zhytemi në histori dashurie që na bëjnë të vuajmë, që s’janë të duhurat për ne. Frika është si një motor, rrit paqartësinë, nevojën dhe dëshiron për të na dashuruar. Ndaj dashurohemi shpejt, e po kaq shpejt historia dështon.
Të kesh kurajën për të bërë zgjedhje të bën të bukur, e jo të dashurohesh pa njohur veten e aq më pak tjetrin!
Burimi: Donne.co
