Fustani përrallor, që parashikohet të veshë Meghan Markle, do t’i kushtojë familjes mbretërore 100,000 paund.
Burime të shumta nga oborri mbretëror dhe nga industria e modës kanë zbuluar se ish-aktorja ka vendosur për markën britanike, Ralph & Russo, që të realizojë një nga dy fustanet që do të veshë më 19 maj.
Meghan do të veshë fustanin e qëndisur me dorë, ndërsa do të ecë drejt altarit në Kishën St George para 600 vizitorëve dhe rreth 1 miliard shikuesve nga televizori në mbarë botën. Ajo do të ketë të njëjtin fustan për pritjen që do të mbahet më pas nga Mbretëresha, në Kështjellën Windsor.
Një burim tjetër zbuloi se veshja do të kushtonte rreth 100,000 paund, të cilat do të paguhen nga Princ Harry dhe familja e tij.
“Janë shumë para, por kjo është dasma e vitit dhe është punuar për të me qindra orë. Është i gjithi i punuar me dorë”, kanë zbuluar burimet.
Lajmi për fustanin erdhi pasi Kensington Palace zbuloi detaje të reja rreth martesës, përfshirë faktin se Harry dhe Meghan, nuk do të shkojnë për muaj mjalti deri në fund të verës.
Burimi: Daily Mail
