Një aksident i rëndë ka ndodhur në Strasburg të Francës, ku dy tramvaje janë përplasur pranë stacionit hekurudhor, duke lënduar të paktën 30 persona.
Rrethanat e aksidentit ende nuk janë sqaruar, por një dëshmitar ka publikuar një video në rrjetet sociale që tregon skenën kaotike dhe tramvaje të dëmtuara rëndë.
Njëri nga tramvaje ka dalë nga shinat për shkak të përplasjes. Përreth vendit të ngjarjes është vendosur një kordon sigurie dhe shumë automjete të ndihmës së shpejtë janë mobilizuar.
Strasburgu, i cili riktheu tramvajet në shërbim në vitin 1994, nuk ka pasur aksidente të mëdha deri tani. Hetimet janë duke vazhduar për të zbardhur shkaqet e përplasjes.
