Mediat e huaja raportojnë për të paktën 16 persona të vdekur dhe mijëra të tjerë të zhvendosur në shtetin perëndimor të Indisë, Maharashtra.
Shirat e dendur dhe lumenjtë e tejmbushur të ditëve të fundit kanë përmbytur pesë qytete dhe autoritetet kanë hapur alarm për përkeqësim të situatës.
Deri më tani janë lëvizur 140,000 njerëz në vendet më të sigurta dhe po vazhdohet me shpejtësi për të larguar edhe pjesën tjetër.
Meteorologët parashikojnë që kjo situatë do të vazhdojë edhe për tre ditët në vazhdim, pasi reshjet e shiut do të vazhdojnë të jenë të dendura.
Shkollat dhe kolegjet në rrethet e prekura janë mbyllur që nga e hëna dhe nuk ka gjasa të hapen këtë javë. Disa rrugë janë të bllokuara dhe qytetarët kanë mbetur të izoluar.
