Ish-kapiteni i Kombëtares shqiptare, Lorik Cana ishte dje i ftuar në “Top show” në Top Channel. Një gjest shumë i veçantë e ka përlotur Lorikun mbrëmjen e djeshme.
Lekë Dobruna, mik me dëshmorin Elton Zherka nga Gjakova, ka bërë tatuazh në këmbë momentin e famshëm kur Loriku godet tifozin serb gjatë ndeshjes Serbi-Shqipëri në Beograd.
Natyrisht që ish-kapiteni i skuadrës nuk është shumë krenar për këtë veprim, mirëpo nuk i ka kontrolluar dot emocionet kur në ekran u shfaq tatuazhi i Lekës.
“Leka është krenar për aktin, por unë jam krenar që ky njeri e përfaqëson atë”, tha Cana ndër të tjera.
Djali nga Kosova sqaroi edhe arsyen se përse zgjodhi të bënte pikërisht këtë moment.
“Unë që i vogël jam rritur me dashurinë për Shqipërinë. Nuk ka zgjedhur të bëj tatuazh Lorikun, por aktin. Na kanë injoruar shumë si popull dhe tatuazhi është një formë për të thënë që injorancës i ka ardhur fundi, dhe ne nuk jemi ata që kujtojnë të tjerët”, tha ai.
