Situata në Kinë është vështirësuar dhe nga dita në ditë rritet numri i viktimave dhe i të prekurve nga koronavirusi.
Deri më tani raportohet se 259 persona kanë humbur jetën dhe mbi 12 mijë janë të infektuar, shumë prej të cilëve në gjendje të rëndë për jetën.
Numri i madh i të prekurve ka sjellë rritjen e nevojave për mjekim dhe Kina nuk është e përgatitur për një sasi të madhe ilaçesh.
Prandaj, Presidenti i Këshillit të Kinës Li Keqiang i ka kërkuar Bashkimit Europian që ta ndihmojë urgjentisht me ndihma medicinale.
Keqiang mësohet se ka telefonuar Presidenten e KE, Ursula von der Leyen dhe i ka thënë se kërkon të blejë ilaçe përmes kanaleve tregtare.
Bashkimi Europian i është përgjigjur kërkesës së tij dhe ka njoftuar se së shpejti do të nisë ndihmat e para medicinale.
Harta e shteteve që kanë persona të infektuar nga koronavirusi është rritur dhe tashmë virusi është kthyer në makth për të gjithë botën.
