Fjoroda Fjora ka fituar pas 16 ditësh betejën me Covid-19. Moderatorja e njohur ka qëndruar gjatë gjithë kësaj kohe e izoluar, larg familjes së saj dhe vetëm së fundmi ka mundur t’i rikthehet normalitetit.
Ajo është kthyer në shtëpi dhe ka përqafuar të birin pas më shumë se dy javësh, ndërsa në Instagram ndau një foto duke u përqafuar me djalin Alteo.
“Më në fund bashkë, u riktheva në shtëpi! Oh Zot na mori aq shumë malli”, shkruante Fjodora përkrah fotos.
E ftuar në “Ftesë në pesë” me Bieta Sulon, moderatorja rrëfeu më shumë rreth eksperiencës së saj me Covid-19.
Fjodora tregoi se gjatë izolimit kishte kaluar një moment tepër të vështirë, pasi njëra prej analizave i kishte dalë gabim.
Me gjendjen e rënduar emocionale e psikologjike, moderatorja kishte kaluar një shok emocional.
“Kam kaluar një nga momentet më të vështira të pandemisë atë ditë, sepse ka qenë shokuese për mua”- ka thënë ajo gjatë intervistës në studio.
Kështu, Fjodora dha edhe një mesazh të rëndësishëm për publikun, duke i këshilluar të zgjedhin mirë vendin ku shkojnë për t’u vizituar.
