Epidemiologu Ilir Alimermeti ka folur sot për një ndër deklaratat më të bujshme të Organizatës Botërore të Shëndetit në 24 orët e fundit.
Sipas OBSH, përhapja e koronavirusit nga personat asimptomatikë është shumë e rrallë, dhe kjo është e bazuar mbi evidenca. Ndaj Alimehmeti shprehet se duhet bërë shumë kujdes ndaj personave të infektuar, edhe pse nuk duhet të lëmë pas dore kujdesin me të tjerët.
Epidemiologia e Organizatës Botërore të Shëndetësisë, Maria Van Kerh, u shpreh dje në një konferencë se rrallëherë një person pa simptoma e transmeton virusin tek një person tjetër. Van Kerh tha që njerëzit që nuk kanë simptoma shpesh zhvillojnë një formë të butë të sëmundjes. Ajo përsëriti se virusi përhapet më shumë përmes kollës dhe pështymës.
Deklarata e epidemiologut:
? Super super lajm i mire miqte e mi! ?
✅ “Perhapja e COVID-19 nga personat pa simptoma eshte SHUME E RRALLE”
Ky eshte deklarimi i djeshem i OBSH-se, e cila me ne fund po vendos te bazohet mbi evidenca.
✅ Pikat kyçe te rekomandimit te djeshem:
- Qeverite duhet te fokusohen ne zbulimin dhe izolimin e personave te infektuar me simptoma.
- Megjithese eshte mundesi “shume e rralle”, kujdesin le te vazhdojme ta mbajme.
Cit. Van Kerkhove:
“Kemi nje sere raportesh nga shtete qe po kryejne gjurmim shume te detajuar te kontakteve.
Ata po ndjekin rastet asimptomatike.
Ata po ndjekin kontaktet e tyre.
Ata nuk po gjejne transmetim sekondar te virusit prej tyre.
Eshte shume e rralle!”
➡️ Megjithate, evidencat mjekesore jane ne evolucion te vazhdueshem dhe situata eshte dinamike siç e tregojne edhe qendrimet e OBSH-se.
Forca miq!
Kujdes te madh nga personat e semure!
Por njefare kujdesi mbajeni edhe me te tjeret!
Dr. Shk. Ilir Alimehmeti
Epidemiolog Klinik
Fakulteti i Mjekesise, UMT
Per detaje, ndiqni videon me poshte (gjuhe angleze).
